La Consejería de Cultura, Política Llingüística y Deporte aumenta hasta casi 3 millones las ayudas destinadas a Acción Cultural, una cantidad que multiplica por once la asignación con la que contaba esta área en 2019. El Gobierno de Asturias demuestra en los presupuestos de 2025 su compromiso con la cultura, el deporte y el patrimonio como elementos esenciales de su proyecto.
La consejera de Cultura, Vanessa Gutiérrez, ha presentado esta tarde en la Junta General unas cuentas que reflejan la decisión del Gobierno de Asturias de facilitar “un accesu universal al deporte y a l’actividá física a tolos niveles”. Este respaldo se suma a otro “oxetivu fundamental nel que trabayamos: polos derechos culturales de la ciudadanía, por garantizar el so exerciciu y tamién por que sean respetaos, pues tamos falando del respetu a la identidá de les persones a les que nos debemos”, ha explicado.
La consejera ha anunciado la distinción de Asturias como Región Europea del Deporte 2025, un logro alcanzado a través del programa ADN: Asturies, Deporte y Naturaleza, para el que se han consignado 470.000 euros en los presupuestos del próximo año. Precisamente, este mismo jueves, la consejera recibirá este galardón en Bruselas.
El programa ADN: Asturies, Deporte y Naturaleza representa una apuesta por la actividad física y un compromiso estratégico con el desarrollo integral de la comunidad. Este proyecto permitirá en 2025 el despliegue de un amplio programa de actividades, formación y acciones vinculadas al reconocimiento como Región Europea.
El plan incluye eventos deportivos al aire libre, actividades escolares y programas enfocados en la salud mental y el bienestar. Entre las iniciativas clave se encuentra la implementación de la Rede ÁSTUR (Red de Apoyo y Alto Rendimiento en Asturias), diseñada para prevenir trastornos alimenticios y mentales entre deportistas. Además, se impulsará el turismo deportivo, para consolidar al Principado como un destino de referencia para eventos ciclistas, de montaña y acuáticos, al tiempo que se fortalecerán las entidades deportivas locales con campeonatos de alto nivel.
Las instalaciones deportivas experimentarán una mejora significativa con un aumento presupuestario del 74%, hasta los 4.375.428 euros. Este impulso incluye fondos destinados a la digitalización y modernización del deporte mediante programas como el Plan de Prescripción de Ejercicio Físico, enfocado en la prevención y el fomento de hábitos saludables.
En cuanto a la promoción de la igualdad, el presupuesto consolida la Xornada de Muyer y Deporte con un incremento de 48.000 a 100.000 euros. Además, esta iniciativa contará con una línea específica de ayuda de 50.000 euros para facilitar la conciliación a mujeres deportistas, árbitras o entrenadoras con hijas e hijos pequeños a cargo.
Además, la promoción de los bolos cuadruplica su cuantía: pasa de 8.000 a 35.000 euros que se destinan a la Federación de Bolos con el objetivo de visibilizar y afianzar las diferentes disciplinas que aúnan tradición, deporte e identidad. Esta cuantía se suma a los 30.000 euros destinados al deporte tradicional.Por otro lado, el importe destinado a las entidades de deporte base asciende a 100.000 euros a través de una convocatoria específica.
El apoyo a clubes de alto nivel se mantiene con una partida de 1 millón, mientras que las subvenciones a federaciones deportivas crecen un 48%, de los 675.000 euros de este año hasta 1.000.000 en el próximo ejercicio.
En los presupuestos para 2025, la consejería destina 1.145.000 euros a los Juegos Deportivos con el objetivo de que el deporte escolar siga siendo un referente en la comunidad y permita a los niños y niñas disfrutar de las distintas disciplinas sin importar su condición socioeconómica. Por otro lado, la red CEPAFYS (Centros Escolares Promotores de la Actividad Física y la Salud) recibirá una dotación de 40.000 euros para promocionar la actividad física también entre menores.
Como novedad, el próximo año se implementará el programa Deporte y Valores, que está basado en el juego limpio y la promoción de valores en el deporte. Esta partida estará dotada con 75.000 euros.
Acción Cultural y Normalización Llingüística
El presupuesto destinado a ayudas culturales en concurrencia competitiva ronda los 3 millones, lo que supone un incremento del 21,31% respecto a 2024 y un 1.100 % en comparación con 2019.
Entre las acciones más destacadas se encuentra la ampliación de los circuitos de Asturies, Cultura en Rede, cuyo presupuesto sube casi un 30 %, alcanzando 1.465.000 euros. También la dotación para la Fundación Ópera de Oviedo, con una aportación que aumenta de los 110.000 euros de 2019 a 250.000 euros en 2025.
La dotación para los Servicios de Normalización Llingüística también aumenta; en este caso, un 5%. Las partidas para asociaciones y fundaciones suben considerablemente, desde 50.000 euros en 2024 a 200.000, e incluyen nuevas líneas destinadas a proyectos audiovisuales, así como100.000 euros para actividades dirigidas a la difusión de la cultura tradicional.
Con un presupuesto consolidado y un incremento del 56% respecto a 2019, el área de Patrimonio Cultural afianza su importancia Destacan los 450.000 euros destinados a la restauración de hórreos, paneras y cabazos, con medidas innovadoras como el pago anticipado de las ayudas y la ampliación del plazo de ejecución a un año desde la concesión de la subvención. Además, las subvenciones en materia de patrimonio cultural se consolidan en los 1,25 millones, un 77% más que en 2019.
En 2025 se realizará la primera convocatoria de subvenciones para bienes etnográficos en brañas y majadas. Paralelamente, continúa el Plan de Castros, con una dotación de 280.000 euros, y se ejecutarán proyectos relacionados con las cuevas de arte rupestre, reforzando su conservación y gestión sostenible como Patrimonio Mundial de la UNESCO.
Hasta el momento, la ejecución presupuestaria de la consejería en este año llega al 82,5 %. Sobresale, por ejemplo, la ejecución de casi un 100% en las partidas financiadas con fondos europeos en la Dirección General de Patrimonio Cultural.
Martes, 10 d’avientu de 2024
INTERVENCIÓN DE LA CONSEYERA DE CULTURA, POLÍTICA LLINGÜÍSTICA Y DEPORTE, VANESSA GUTIÉRREZ
Comparecencia na Xunta Xeneral del Principáu d’Asturies (Uviéu)
Comparezo énte ustedes, acompañada de los directores xenerales y el secretariu xeneral técnicu de la Conseyería de Cultura, amás de la directora del Muséu Arqueolóxicu y el director del Real Institutu d’Estudios Asturianos, cola fin de presentar l’anteproyectu de presupuestos de la Conseyería de Cultura pal añu 2025. Y gustaríame facelo comenzando por agradecer a esti equipu de persones y a tol personal de la Conseyería, el llabor desarrolláu en 2024 que fixo qu’abordásemos numberosos iniciatives. Dende aumentar l’apoyu a los diferentes sectores tanto pol númberu d’actividaes desarrollaes, como por propuestes como’l nuevu premiu d’asturianada, como pol incrementu económicu destináu a ellos, l’acometimientu d’inversiones fundamentales como l’ampliación del Muséu de Belles Artes, la ilesia de La Llaboral, el monesteriu de Vilanova d’Ozcos, Brañagallones o Pénjamo, por citar dalgunos, o por posibilitar xestiones necesaries como l’acuerdu con Llión pa la electrificación de Fuentes d’Iviernu. O la consecución de reconocimientos tan valiosos como fue la pasada selmana la inclusión de la cultura sidrera asturiana na Llista Representativa del Patrimoniu Inmaterial de la Humanidá y agora tamién el de la marca ADN: Asturies, Deporte y Naturaleza que fai que la nuestra comunidá sea reconocida en 2025 como Rexón Europea del Deporte.
Permítanme que, por ello, comience dando gracies a toles persones que lo fixeron posible. Estos llogros son frutu del esfuerzu y de la convicción y implicación de muncha xente, empezando por esta Cámara porque too ello sería francamente difícil sin un presupuestu anual que recueya y faiga posible les midíes imprescindibles pa llogralo. Asina pues, dándo-yos tamién les gracies pol so apoyu qu’espero volvamos a tener pa esti anteproyectu que-yos traemos a la so consideración, comienzo a presenta-yos la propuesta ellaborada pal añu entrante.
Como saben, la Dirección Xeneral d’Acción Cultural y de Normalización Llingüística ye la que s’encarga, dientro d’esta Conseyería, de les ayudes a los distintos sectores de la industria cultural d’Asturies, amás d’aquelles qu’específicamente se destinen a incentivar la normalización llingüística tanto n’asturianu como n’eonaviegu. Dos árees distintes de trabayu, anque complementaries. Dende Acción Cultural trabayamos en dos frentes: l’apoyu a los distintos sectores de la industria cultural, seya cual seya la llingua na que s’espresen, que se lleva a cabu cola convocatoria de les distintes llinies d’ayuda que xestionamos; la promoción y difusión del llabor que realicen los profesionales de la cultura, ensin importar igualmente cuál de les llingües d’Asturies ye na que trabayen, que se concreta na convocatoria y realización de los diversos circuitos que tenemos en marcha en collaboración colos ayuntamientos, y colos sectores profesionales. Dende Planificación y Normalización Llingüística son tres los campos d’acción principales: ayudes a los distintos sectores, que crecen de manera significativa, coordinación de la política llingüística y acciones de difusión, ente les que podemos destacar la convocatoria de doce premios, ya la realización de grandes eventos como la Selmana de les Lletres, el Reguerada Fest o el Xuntoiro.
Destacando que la execución del presupuestu de 2024 ta nesti momentu nun porcentaxe del 93 % en fase de disposición, préstame reseñar que pa 2025 que sube casi un 12 % al respetive del de 2024, superando los 16 millones d’euros. Cabe destacar nesti presupuestu l’aumentu significativu de la dotación destinada a ayudes, en concurrencia competitiva, pal conxuntu d’empreses, asociaciones y fundaciones que trabayen nel sector de la cultura, y pal que destinamos cerca de 3 millones.
Ye una subida importante dientro de los presupuestos del Principáu, un 21,31 % al respetive de lo qu’había nel presupuestu de 2024. Pero van permitime que faiga un apunte más, significativu, comparando col presupuestu qu’había en 2019, al empiezu de la llexislatura del presidente Barbón. Ye una subida de más del 1.100 %, pasando de 233.000 euros a los cerca de 3 millones actuales. Podemos dicir que nestos cinco años consiguimos equiparar estes ayudes, y meyorar en munchos casos, a les que conceden comunidaes autónomes similares a la nuesa.
Nesti casu convién destacar la subida destinada a empreses en concreto, que suben más d’un 28 %, llegando a 1.700.000 euros, una cifra récord nes últimes décades, que sumar al aumentu que yá hubo nel presupuestu de 2024 al respetive del 2023, que foi del 48,4 %. Al mesmu tiempu suben un 8.62 % les destinaes a asociaciones y fundaciones p’actividaes culturales y formatives. Convién reseñar, na llinia de lo que yá señalábamos l’añu pasáu, l’esfuerzu que venimos faciendo pa ordenar estes ayudes y por meyorar la so tramitación, previendo pa 2025 la convocatoria anticipada d’a lo menos 5 llinies nesti mes d’avientu, amás de dir implementando la posibilidá del pagu anticipáu de les ayudes o la plurianualidá cuando les bases reguladores lo permiten.
Aumenta igualmente’l presupuestu destináu a los circuitos d’Asturies Cultura en Rede casi un 30 %, acercándose al millón y mediu d’euros. Como ustedes saben, los circuitos son un programa de fomentu de l’actividá profesional que llevamos a cabu en collaboración colos ayuntamientos, poniendo a disposición de los sos programadores un catálogu d’actividaes a les que destinamos financiación en función del tamañu, de la población, d’esos conceyos. Ello permite vertebrar per toa Asturies una ufierta d’actividaes culturales importante tanto dende’l puntu de vista cualitativu como cuantitativu. Asturies Cultura en Rede programa actividaes n’artes escéniques, en música, en cultura tradicional, el lliteratura, en narración oral, n’artes audiovisuales, funcionando Cinemateca y Cinemateca Ambulante como un circuitu más. Son más de 1.000 les actividades que se programen cada añu a través d’Asturies Cultura en Rede y a les que’l próximu añu añadiranse les de la Xira Didáctica qu’acercará la cultura fecha polos nuestros sectores a los y les escolinos.
Quiero tamién destacar pola so singularidá la previsión presupuestaria que tenemos nesti programa pa collaborar col Ayuntamientu d’Uviéu en tolo que tenga que ver coles actividaes que desenvuelva a lo llargo del añu que vien alredor del plan pa qu’Uviéu seya Capital Europea de la Cultura en 2031. Ye una partida, nominativa, de 200.000 euros que vamos tresferir al conceyu, y que va permitir que la ufierta cultural na capital d’Asturies se vea reforzada y se llogre, al final, que la capitalidá europea recaiga nesta ciudá milenaria nun proyectu nel que se quier incluyir al restu de la comunidá siendo una iniciativa con repercusión en toa Asturies.
Ye nueva tamién la partida presupuestaria, de 70.000 euros, nominativa, pa SODECO, p’apoyar el so llaboratoriu FILMLAB Lac6 que tan útil vien siendo pal sector cinematográficu y audiovisual, al qu’emprestamos una especial atención, sabedores como somos del talentu creativu qu’atesora Asturies y de les necesidaes que tien un sector en crecimientu. Y creamos igualmente una ayuda pa l’Asociación de Galeríes d’Arte Contemporáneu d’Asturies pa la muestra EntreArte y pa otres actividaes que plantea desenvolver esta activa Asociación, un bon exemplu de lo que la collaboración empresarial pue llograr.
Tamién cabe destacar l’aumentu de l’ayuda a la Semana Negra, un 46,56 %, queriendo con ello reforzar el nuesu compromisu con ún de los festivales más antiguos y más singulares d’Asturies. Per otra parte, reordenamos les ayudes al Festival de Cine de Xixón, FICX, que cuenta con 95.000 euros, y a la Fundación Ópera d’Uviéu, que, contemplando amás un incrementu, alcanza los 250.000 euros.
Convién dicir que bona parte de les ayudes de les que venimos falando, especialmente toles que se convoquen en concurrencia competitiva, fainse p’actividaes que se pueden desenvolver en castellanu, por supuestu, pero tamién n’asturianu y n’eonaviegu, valorándose l’esfuerzu de trabayar o facer propuestes nestes dos últimes llingües con dalgún puntu específicu nos criterios de valoración.
Pero tamién contamos con ayudes específiques pa Normalización Llingüística, p’aquellos sectores que se comprometen por trabayar nes llingües propies, que van creciendo de manera significativa y organizándose. Podemos dicir que pa 2025 consolidamos l’aportación que facemos a entidaes como l’Academia de la Llingua, la Federación Asturiana de Conceyos pa siguir col Plan Falamos de deprendizaxe non regláu d’asturianu y eonaviegu, pal Festival Intercélticu de Lorient…
Ye reseñable l’aumentu de casi un 5 % a los Servicios de Normalización Llingüística, que se consoliden como axentes dinamizadores de la normalización llingüística nos conceyos, y que son pa esta Conseyería elementu fundamental pa que la política llingüística se vertebre nel territoriu.
Destacaría sobre manera l’aumentu d’un 300 % de la partida p’asociaciones y fundaciones, que pasa de los 50.000 euros del presupuestu de 2024 a los 200.000, dotándose dos llinies nueves, una pa proyectos audiovisuales promovíos por asociaciones o particulares, y otra de 100.000 euros que crearemos p’actividaes relacionaes cola difusión de la nuestra cultura tradicional.
No que respecta al presupuestu xestionáu dende la Dirección Xeneral de Patrimoniu Cultural, qu’intrega los programes presupuestarios 455E y 458D, esti esperimenta un afianzamientu nesti exerciciu 2025, depués d’años de xubíes fuertes, significatives, sobre manera nel 2024, pola mor de l’aportación de fondos estraordinarios del Plan européu de Recuperación, que supunxeron una inversión de 1,2 millones d’euros destinaos directamente a la restauración patrimonial, o iniciatives de dixitalización patrimonial y archivística. Toles acciones del plan de recuperación tocante a patrimoniu y a instituciones culturales executáronse en plazu, con un 100 % de niveles d’execución.
El restu del presupuestu de la Dirección Xeneral pa esti añu 2024 ta materializándose con niveles altos d’execución, superiores a los de los últimos años y que nestos momentos tán, en términos de gastu dispuestu, nun nivel del 81,39 %, que se va incrementar con seguridá total hasta final d’añu, algamando yá nel capítulu inversor del programa de Patrimoniu Cultural una cifra récord del 87 %, reflexu d’un añu intensu d’intervenciones de restauración y rehabilitación en bienes culturales asturianos.
Depués de trés exercicios de xestión de fondos MRR, la Dirección Xeneral de Patrimoniu Cultural afianza agora un presupuestu de 23.101.970 euros, que supón una xuba bien importante al respective de les cifres del 2019, cuando, por exemplu, el presupuestu del programa de Patrimoniu Cultural xubía a 3,7 millones d’euros, lo que supón que nestos años aumentóse nun 56 %, esperimentándose igualmente una xuba del 3,3 % en comparanza col añu 2023, l’anterior inmediatu ensin fondos europeos, lo que dexa establecer una compartiva más precisa.
En materia patrimonial, nel 2025 van caltenese les grandes exes qu’articulen la nuestra política, centraos respectivamente na protección y vixilancia sobre intervenciones en bienes culturales, la restauración y caltenimientu de los monumentos y espacios patrimoniales, y la difusión y divulgación.
Asina, vamos acometer actuaciones en tolos ámbitos destacaos del patrimoniu, sobre manera los que cunten con una reconocencia internacional como Patrimoniu Mundial de la UNESCO. Asina, les nuestres cueves con arte rupestre paleolíticu van ser oxetu d’un estudiu xeoambiental ambiciosu, que va facer posible l’actualización de la información relativa a la cartografía xeolóxica, xeomorfolóxica y hidroxeolóxica de cada cavidá y de la so rodiada, que va dexar facer un siguimientu de la dinámica hídrica del agua kárstico, el siguimientu y actualización anual del inventariu yá realizáu de lesiones y impactos xeomorfolóxicos o’l siguimientu de contino de les midíes de los parámetros microambientales de l’atmósfera de les cavidaes, incluyendo temperatura, humedanza relativo y conteníu en CO2 del aire y la so comparanza col fluxu de visitantes. Amás d’esti estudiu, que va suponer una inversión de 95.000 euros, van tomase midíes concretes de protección de xacimientos arqueolóxicos, como cierres y otros llabores de seguridá, a les que se destinen 60.000 euros.
Siguiendo nel ámbitu arqueolóxicu, caltiénse la llinia de subvenciones a campañes d’investigación, con 100.000 euros, y increméntense les ayudes a los conceyos d’El Valle Baju de Peñamellera, Cangues d’Onís y Candamu pal caltenimientu de la cueva de La Loja, el dolmen de Santa Cruz y la cueva de San Román, respectivamente, de la que se destina una partida pa documentar espedientes nuevos de protección de xacimientos alcontraos nos últimos años.
Un apartáu destacáu de la intervención n’arqueoloxía constitúyela’l plan de castros, al que nel 2025 se destinen 280.000 euros, colos que va ser posible el caltenimientu de les llinies de trabayu abiertes nos últimos años en poblaos castreños como los d’El Castriyón de Cuaña, Mouguías, San Ḷḷuis, Degaña o Doña Palla, a los que se van incorporar otros nuevos como Taramundi o San Tiso d’Abres. Amás, vía subvenciones nominatives, van sofitase les investigaciones nos castros de Puntamuyeres (Valdés) y El Chao Samartín (Grandas de Salime), completando asina una política nel ámbitu castreñu que se va complementar cola terminación de la reforma del aula d’interpretación del castru d’El Castriyón de Cuaña, anguaño n’obres, o la rehabilitación de les muralles del castru de San Ḷḷuis d’Ayande.
P’acabar col ámbitu arqueolóxicu, van sofitase les escavaciones de Lucus Asturum, en Llanera, y los trabayos d’investigación del castiellu de Gauzón, en Castrillón.
Tocante a l’arquitectura medieval, caltiénse l’esfuerzu inversor siguíu alredor del Prerrománicu, al que se destina una cantidá asemeyada a la de los últimos exercicios, alredor del mediu millón d’euros, cola que se va encarar el proyectu de construcción de la sienda peatonal ente San Miguel de Lliño y Santa María de Naranco, o’l principiu de l’actuación na cripta de Santa Llocaya de la catedral d’Uviéu, amás d’empezar, yá nos primeros meses del 2025, el procesu de renovación integral de la esposición que’l Muséu Arqueolóxicu d’Asturies destina al periodu medieval y en particular al prerrománicu. Yá ta en llicitación el contratu de restauración de toles pieces que se van incorporar a la esposición nueva ampliada y disponemos d’una partida pa llicitar y axudicar nel 2025 el propiu proyectu museográficu yá ellaboráu.
L’arquitectura medieval, románica y gótica, ye oxetu d’atención con intervenciones como la yá empezada en San Pedro d’ Arroxo (Quirós) o la que se va acometer na ilesia de Santiago d’Arlós (Llanera). Construcciones civiles d’orixe medieval, como les torres de Peñerúes (Morcín), El Puente d’Arcu (Llaviana) o la torre de Soto (Ayer), van ver tamién ellaboraos nel 2025 proyectos nuevos de restauración-rehabilitación que van empezar a executase nel mesmu exerciciu.
Construcciones d’época moderna, renacentista o barroca, tamién van beneficiase de proyectos de meyora, casu de la ilesia de Santa María de Zarréu de Degaña, la capiya de Santu Medé de Ribadeva, la ilesia de Santa María de Lluanco o la ilesia d’Alguerdo n’Ibias, gracies en dellos casos a convenios de collaboración col Arzobispáu, fórmula de collaboración prevista na nuestra Llei de Patrimoniu Cultural que fai posible encarar dende la promoción pública una pluralidá d’actuaciones más intensa y repartida per tol territoriu asturianu.
Esta collaboración colos propietarios privaos de bienes culturales refléxase nun afitamientu y ampliación del programa anual de subvenciones en materia de patrimoniu cultural, que nel 2025 llega a una cifra global de 1.250.000 euros, ensin precedentes na última década, y que ye un 76,8 % superior a la qu’existía nel 2019, cuando nun pasaba de los 290.000 euros.
Nesti 2025 vamos destinar 450.000 euros a la restauración d’horros, paneres y cabazos, introduciendo amás dos novedaes significatives nel réxime de xestión d’estes ayudes: la primera d’elles tien que ver cola ampliación del plazu d’execución de les intervenciones, que va pasar a ser d’un añu dende la comunicación de la concesión de l’ayuda, y la segunda tien que ver col pagu anticipáu de les cantidaes que pon el Principáu. Tamos enfotaos en que dambes midíes van ayudar a garantizar l’éxitu de les convocatories d’ayudes nesta materia, faciendo posible que’l centenar de subvenciones que se calcula de media que se van dar pa restaurar estos elementos etnográficos s’executen dafechu.
En materia d’horros, amás, vamos siguir cola aplicación de les midíes contemplaes nel Llibru Blancu del Horru, incluyendo empezar a escoyer elementos destacaos pa declaralos como Bien d’Interés Cultural, o afianzar el bancu de pieces pa usalu na restauración, qu’executamos en collaboración cola Asociación del Horru Asturianu y la Fundación Cetemas.
Siguiendo nel ámbitu de les subvenciones, depués de l’aprobación recién de les bases de la so convocatoria, nel 2025 va realizase la primer convocatoria específica pa intervenciones en bienes etnográficos en brañes y mayaes d’Asturies, al empar que caltenemos la llinia d’ayudes en materia de restauración de bienes culturales protexíos o pa bienes de titularidá municipal.
Aumentamos les ayudes pa proyectos de difusión y promoción de patrimoniu cultural material y inmaterial, a realizar por asociaciones y empreses, que llega a una cifra inédita de 130.000 euros y que va facer posible que s’executen actuaciones imprescindibles y necesaries pa garantizar una mayor implicación social na preservación y valorización del nuestru patrimoniu. Nesti sentíu, caltiénse l’ayuda importante de 30.000 euros a la Federación Asturiana d’Asociaciones d’Amigos del Camín de Santiago, pa siguir revitalizando esta ruta histórica declarada Patrimoniu Mundial, qu’ente’l 2024 y el 2025 ta beneficiándose d’inversiones importantes, millonaries, procedentes de fondos europeos en materia de turismu, pa cuestiones como la dixitalización d’albergues de pelegrinos, la meyora de l’accesibilidá de la ruta o la corrección de puntos negros nel so percorríu. Y nel ámbitu del patrimoniu inmaterial, como saben, tenemos previsto trabayar na protección y difusión de les dances asturianes asina como de les mazcaraes d’iviernu, de la cultura minera, y de la cultura sidrera asturiana, difundiendo los riquísimos valores que la componen y que recientemente nos acaben de reconocer nun momentu d’estraordinariu valor pa la identidá d’Asturies. Por ello, trabayar tanto nes manifestaciones artístiques d’esta cultura, como na difusión del patrimoniu llingüísticu que la caracteriza, asina como nel patrimoniu material que queremos empezar a inventariar y catalogar pa poder apoyar posteriormente tal y como se fai colos horros y paneres y como vamos empezar a facer cola mencionada primer convocatoria d’ayudes pa los bienes etnográficos catalogaos de les brañes y mayaes asturianes.
Pasando al ámbitu de les instituciones culturales, destínase a esta materia tan importante un total de 16.435.147 euros, colos que se garantiza l’actividá del texíu de museos, centros d’interpretación y d’arte que s’esparden pel territoriu asturianu y caltienen actividá cultural per tol territoriu, xunto a les biblioteques o los archivos.
En materia archivística, vamos destinar 625.589 euros al Archivu Históricu d’Asturies pa la realización de meyores nel so edificiu históricu, no que yera la cárcel correccional d’Uviéu, o pa siguir colos sos llabores d’organización y descripción de fondos, amás de pa la implementación d’un plan nuevu d’archivos municipales y de recuperación d’archivos particulares, a los qu’en xunto se destinen más de 130.000 euros. Tamién se dobla l’ayuda al archivu tan espléndidu del monesteriu de San Pelayo y va siguise col procesu d’ellaboración d’una llei específica en materia d’archivos, que va crear el sistema asturianu d’archivos.
Polo que tien que ver coles biblioteques, yá disponemos d’un borrador de llei consensuáu dientro d’una comisión plural d’asesoramientu, polo qu’a lo llargo del 2025 va encarase’l procesu de tramitación formal énte esta Cámara d’una norma que ta llamada a convertise na gran catalizadora del impulsu a unos centros culturales d’importancia escepcional, tamién nel ámbitu rural.
Destínense nel 2025 346.650 euros a la Biblioteca d’Asturies, que va siguir cola so llinia d’esposiciones temporales y d’adquisición de bienes del patrimoniu bibliográficu de la comunidá, de la que se van intensificar los procesos de dixitalización de la so rica colección. Pela so parte, a la Biblioteca Xovellanos destínense 157.980 euros. Amás, refuérzase’l sofitu a la rede de biblioteques municipales, doblándose la llinia d’ayudes pa l’adquisición de llibros por elles, qu’algama nel 2025 los 150.000 euros.
En materia de museos, vamos destinar 7,7 millones d’euros a los museos propios del Principáu y a llinies de sofitu a museos d’otra titularidá pública y privada. Asina, el Muséu de Belles Artes d’Asturies ve incrementada l’aportación del Principáu nun 8,02 %, llegando a los 2.174.000 euros, a los qu’evidentemente se sumen los más de 6 millones d’euros que dende Turismu y con fondos europeos tán destinándose al proyectu d’ampliación de la pinacoteca. Caltiénense les aportaciones a Llaboral Centru d’Arte y al Centru Cultural Niemeyer d’Avilés, al empar que s’incrementen les que reciben el Muséu Marítimu d’Asturies y el Muséu del Oriente d’Asturies, embarcaos anguaño nos sos procesos de renovación y reforzamientu de les sos actividaes.
Nesti ámbitu de les instituciones culturales, p’acabar, aumentamos un 7 % l’aportación al Real Institutu d’Estudios Asturianos, que llega a los 341.155 euros.
En cuantes a la Dirección Xeneral d’Actividá Física y Deporte esta asume un papel central na promoción y desenvolvimientu de l’actividá física y el deporte nel Principáu d’Asturies. Al traviés d’una planificación estratéxica y coordinada, la Conseyería nun busca namás fomentar l’actividá física y el deporte, sinón tamién garantizar qu’estos se conviertan en ferramientes pa la inclusión social, el bienestar de la ciudadanía y la preservación de les nuestres tradiciones.
A lo llargo del 2024, executáronse acciones significatives que marcaron meyores notables en delles árees. Estes iniciatives nun respondieron namás a les necesidaes actuales del sector deportivu, sinón que tamién sentaron les bases pa un 2025 ambiciosu y tresformador.
Les acciones que se llevaron a cabu en materia de promoción de l’actividá física y el deporte entiéndense como motor de cambéu y una ferramienta poderosa pa la tresformación social. Nesti 2024, desenvolviéronse dos protocolos fundamentales que representaron un finxu na promoción d’entornos seguros y inclusivos: El Protocolu d’actuación énte la violencia contra menores nel deporte. Y el Protocolu de prevención, detección y actuación frente a la violencia sexual contra muyeres nel deporte.
Dambos protocolos implementáronse con una resolución que nesti momento dexa a les entidaes deportives xuntase voluntariamente. Punxéronse en conocimientu de la ciudadanía al traviés de campañes de sensibilización y pal añu qu’entra vamos siguir implementando midíes d’esta clas en collaboración coles demás entidaes deportives que formen parte del texíu español, entidaes como les nuestres mesmes Federaciones o la entidá LALIGA, que va collaborar al traviés d’un conveniu con 22.500 euros.
Amás, entamáronse formaciones gratuites en collaboración coles Conseyeríes d’Igualdá y de Bienestar Social. Otra de les exes prioritaries nesti sentíu foi la promoción de la igualdá nel deporte, sobre manera tocante a la participación y visibilidá de les muyeres. Ente les iniciatives destacaes atópense:
La I Xornada de Muyer y Deporte, qu’axuntó a más de 300 muyeres mayores de 35 años n’El Campo’l Morgal, nun eventu diseñáu pa fomentar l’exerciciu físicu y la práctica deportiva en toles etapes de la vida.
El desenvolvimientu de torneos deportivos dirixíos a costafecha a muyeres, amás de proyectos pensaos pa fomentar la participación d’adolescentes nel deporte, sobre manera nos institutos.
La creación de la Mesa de Deporte Practicáu por Muyeres, que s’axuntó la primer vez esti 2024, convirtióse nun espaciu clave pa la formulación de polítiques públiques. D’esta mesa surdió un estudiu qu’analiza la representación femenina nes federaciones deportives, evaluando la so presencia n’órganos de decisión, como entrenadores y deportistes.
Estes acciones non solo busquen menguar les resquiebres de xéneru nel deporte, sinón tamién empoderar a les muyeres como líderes y referentes nes sos disciplines. Vamos siguir esti 2025 col sofitu a estes acciones aumentando’l presupuestu en más del doble, pasando de los 48.000 € a los 100.000 €. Y con una llinia específica de Muyer y Deporte que va contar con 50.000€ p’ayudar a que les muyeres deportistes, árbitres o entrenadores con fíos y fíes menores a cargu puedan conciliar mientres siguen n’activo.
El Centru de Tecnificación de Natación Adaptada del Principáu d’Asturies, inauguráu nel 2024, establecióse como un referente nel ámbitu del deporte adaptáu. Afitáu nel Polideportivu Juan Carlos Beiro, esti centru acueye a 15 deportistes que compiten nel ámbitu autonómicu y nacional. La puesta en marcha d’esti centru non solo refuerza’l compromisu cola inclusión, sinón que tamién coloca a Asturies como un modelu d’escelencia en deporte adaptáu. El Polideportivu va acoyer campeonatos nacionales de deporte adaptáu, como ye’l casu de la Boccia n’abril del 2025, o vamos siguir colos Xuegos Deportivos Adaptaos, qu’acueye cada temporada 9 disciplines distintes nes que participen les persones de los centros específicos de la nuestra comunidá. Una dotación de 30.000 € afianza estos proyectos y dexa consolidar les meyores llograes y ampliar les iniciatives de deporte adaptáu o inclusión.
La promoción del deporte n’edá escolar ye fundamental pa garantizar una práctica deportiva sostenible y accesible pa toles persones, sobre manera la infancia. Esta temporada, los Xuegos Deportivos Escolares cunten con más de 42.000 neños y neñes.
Esti programa ta dirixíu a fomentar la participación de neños y mocedá, asegurando que’l deporte seya una parte integral del so desenvolvimientu personal. Nel 2025 vamos destinar 1.145.000 € pa que los xuegos escolares sigan siendo un referente na nuestra comunidá y que dexen que neños, neñes y mocedá puedan disfrutar de distintes disciplines ensin importar les sos condiciones socioeconómiques.
Relevancia especial tien tamién l’importe destináu a los clubes que cunten nes sos files con equipos de deporte base, y que van tener un presupuestu de 100.000€ na llinia de subvención específica. Esta partida enfócase a fortalecer clubes locales, aquellos que por nun tener equipos en categoría nacional nun diben poder llegar a les subvenciones de nivel altu. Esta subvención asegúranos la sostenibilidá del deporte nos neños y neñes de menos edá.
Siguiendo cola promoción de l’actividá física en menores y concretamente na escuela, el primer espaciu de promoción de l’actividá física, proyectos como CEPAFYS, esti añu centráu nel olimpismu, fixo posible nesti 2024 fortalecer los valores deportivos dende edaes tempranes. Pal 2025, van llanzase dellos programes como “Los caballos van a escuela”, que va conectar a los y les estudiantes con actividaes ecuestres, fomentando la práctica deportiva en contactu cola naturaleza. Van destinase al programa CEPAFYS (Centros Escolares Promotores de l’Actividá Física y la Salú) 40.000 euros.
Como novedá, vamos implementar el programa Deporte y Valores, que pretende crear un programa de puntuaciones simulando les actes deportives, de les que la so puntuación va tar basada nel xuegu llimpiu y la promoción de valores nel deporte.
Nun tenemos qu’escaecer tampoco l’ámbitu universitariu. Cada añu, la participación en campeonatos deportivos universitarios refuerza la visibilidá y el compromisu de la Universidá d’Uviéu col deporte, más tovía depués d’inaugurar anguaño’l Grau en Ciencies de l’Actividá Física y la Salú. Por eso, pal 2025 va destinase una llinia específica de 10.000 euros pa la Universidá d’Uviéu y la práctica del deporte universitariu, fortaleciendo la participación de los sos deportistes en competiciones nacionales y internacionales.
Si tenemos en cuenta la proyección y les competiciones al nivel más altu, tenemos que nos centrar nos nuestros clubes deportivos. Esti 2024, aumentóse’l presupuestu destináu a clubes d’altu nivel, algamando un millón d’euros. Esti apoyu non solo va siguir nel 2025, sinón que va cuntar con un aumentu significativu nes subvenciones pa federaciones, que van pasar de 675.000 euros a un millón d’euros, lo que supón una xuba del 48 %. Estes inversiones tán diseñaes pa fortalecer el deporte federáu como’l d’altu nivel, garantizando la so sostenibilidá y fomentando la escelencia deportiva.
Les Federaciones son amás entidaes collaboradores cola Alministración na organización de los xuegos escolares o nos campeonatos d’España escolares. Por eso reciben tamién los convenios d’arbitraxe con 510.000 €, una partida pa premios por más de 45.000 € o la subvención de los autobuses pa les competiciones CESES con 175.000 €. Ye un apueste claru y decidíu poles entidaes de la nuestra comunidá y pola promoción del deporte federáu y l’altu nivel.
Y no que se refier al nuestru deporte tradicional, además de los 30.000 euros destinados, préstame destacar que los bolos van cuntar con una xubida notable, cuatro veces mayor, de 8.000 € a 35.000 €, que va ayudar a meyorar les competiciones, a afianzar el deporte más tradicional de la nuestra comunidá, a promocionase y a da-y visibilidá.
Pa rematar col programa de promoción de l’actividá física, la salú y el deporte, destacamos la creación de la marca ADN: Asturies, Deporte y Naturaleza, que nun se trata namás d’una inversión n’actividá física y deporte, sinón d’un apueste estratéxicu pol desenvolvimientu integral de la comunidá. Gracies a esti proyectu, nel 2025 la nuestra comunidá va ser Rexón Europea del Deporte, distinción qu’amás de vese reflexada na xubida de los presupuestos en materia de promoción, tamién abre una oportunidá pa proyectar y afitar la nuestra identidá al restu d’Europa.
Esta inversión, que va cuntar con 470.000 €, va promover actividaes y eventos deportivos al aire llibre, vamos facer acciones y programes en deporte escolar y menores d’edá, actividaes rellacionaes cola salú mental y el bienestar, como’l proyectu Rede ÁSTUR (Rede d’Apoyu y Altu Rindimientu n’Asturies), que va funcionar como apoyu a los y les deportistes en materia de prevención de Trestornos de Conducta Alimenticios y trestornos mentales, acciones centraes na promoción del turismu deportivu que pue afianzanos como destín de referencia n’eventos ciclistes, de monte o acuáticos, o la puesta en valor de les nuestres entidaes deportives na celebración de campeonatos o torneos de primer nivel, ente otres iniciatives.
Amás del mantenimientu continuu d’unes instalaciones vives y con un usu bien altu: 565.917 persones disfruten de l’actividá física nelles, lo que nos pon nun arguyosu cuartu puestu nel ranking de comunidaes autónomes onde más se practica exerciciu físicu nel tiempu llibre según l’INE (2022). Un 56 % de la población d’Asturies disfruta y usa les nuestres instalaciones, de manera que’l desafíu implica manteneles tolos díes y atender a les urxencies surdíes.
Estes instalaciones deportives esperimenten un cambéu significativu con una xubida del 74 %, pasando de 2.491.785 € nel 2024 a 4.375.428 € nel 2025. Esti aumentu, relevante sobre manera, débese a l’adquisición de los fondos MRR en materia de dixitalización del deporte al traviés de procesos o materiales que modernicen el sector. Ente estos ta’l llamáu Plan de Prescripción d’Exerciciu Físicu, que promueve unos vezos saludables y incide directamente na prevención y na meyora de pacientes al traviés del exerciciu físicu.
Si nos centramos n’infraestructura, destacamos les meyores que se van llevar alantre nos edificios onde tán los centros de tecnificación deportiva, con una xubida de más del 70 % d’inversión nos centros d’El Cristo o Tresona y que busquen ameyorar la sostenibilidá y la eficiencia enerxética o la envolvente de los mesmos.
Como indicaba enantes, yá se llicitaron los proyectos de recuperación del área recreativa de Pénjamo y la reforma integral del Refuxu de Brañagallones, obres que se cunta executar l’añu qu’entra por más d’un millón d’euros pa dambos proyectos. Esti importe yá apaez reflexáu nel proyectu de presupuestos del 2025.
Les estaciones d’iviernu y de monte de la nuestra comunidá combinen a la perfección la promoción d’actividaes deportives col impulsu del turismu deportivu y la dinamización de los conceyos locales.
El presupuestu d’estes estaciones pal 2025 reflexa l’esfuerzu continuu col so caltenimientu, que cunta con inversiones específiques pa garantizar la operatividá, la calidá de les instalaciones y el funcionamientu óptimu de toles maquinaries, vehículos o remontes mecánicos.
El retu pal 2025 ta en siguir desenvolviendo proyectos innovadores, que seyan susceptibles de financiase colos Fondos de Transición Xusta y que dambes estaciones puedan afianzar la so posición non solo como estaciones d’esquí, sinón como estaciones modelu de turismu deportivu que axunten deporte, naturaleza y sostenibilidá.
El proyectu de presupuestu pal añu 2025 en materia d’actividá física y deporte reflexa una visión ambiciosa y comprometida col impulsu al deporte como exe estratéxicu pal desarrollu de la comunidá. Esti esfuerzu presupuestariu non respuende namás a les necesidaes actuales del sector, sinón que de forma tresversal proyecta una Asturies más saludable, inclusiva, igualitaria, respetuosa y empobinada al bienestar de la ciudadanía.
Con xubíes significatives n’árees como la promoción de l’actividá física y el deporte en tolos niveles, les infraestructures y instalaciones, la Conseyería refuerza’l so compromisu cola accesibilidá del deporte pa toos y toes, garantizando l’accesu n’igualdá de condiciones, reafirmando que’l deporte ye un pegollu fundamental pa una sociedá más cohesionada y saludable.
Un accesu universal que se suma al de la cultura que ye oxetivu fundamental nesta Conseyería na que trabayamos polos derechos culturales de la ciudadanía, por garantizar el so exerciciu y tamién por que sean respetaos porque, al final, tamos falando del respetu a la identidá de les persones a les que nos debemos.
Por too ello, señores diputaos, nun podemos menos que pidir el so apoyu, porque la noble intención d’ayudar a Asturies solo puede materializase al traviés d’acciones y eso implica cuntar con una consignación presupuestaria que la faiga posible. Ye esa dotación, un 19 % más no que va de lexislatura qu’en 2023, la que va a permitir atender les necesidaes de los sectores y siguir avanzando nel progresu d’Asturies. Por eso confío en cuntar col so apoyu y que, xuntos, trabayemos por meyorar la vida de les persones y el futuru de la nuestra comunidá. Munches gracies.
