El festival de música moza n’asturianu, Semando Fest, celebra la so tercer edición n’Uviéu con novedaes

Fecha:

Entama la cuenta atrás pa qu’aporte’l III Semando Fest, el festival de música moza n’asturianu qu’axunta grupos d’estilos estremaos pa reflexar la diversidá sonora d’esta escena. Con un 40% del aforu yá vendíu -les dos anteriores ediciones escosaron entraes-, el 8 de febreru a les 21h van actuar en Lata de Zinc Abéu, Ferla Megía, Alienda y Melandru coles sos propuestes de música tradicional, urbana, folk y rock. Amás, esti añu incorpórase una novedá al eventu: la Semando Folk Session que va facese’l vienres 7 a les 22h en L’Esperteyu y nel que pueden participar llibremente tolos músicos y músiques menores de 35 años que quieran tocar nesta jam. 

El Semando Fest va más allá de ser un simple conciertu y por eso tien toa una filosofía caracterizada por puxar pol relevu xeneracional na música asturiana; por ufrir un festival con un formatu orixinal qu’entemeza aspectos d’una gala colos d’un conciertu; que reivindica les sales de conciertos como un espaciu afayadizu pal exposigue de la música de raigañu; qu’apuesta por da-y oportunidaes a les y los creadores xóvenes y que trabaya por avanzar hacia la igualdá dientro de la música.

Musicasturiana.com Ixuxú Cultura entamen esti eventu que nesta tercer edición va axuntar a Abéu cola so música tradicional axeitada pal baille; Ferla Megía, col so amiestu de pop, folk, triphip, dembow o rap; Alienda, banda de power folk que sigui’l camín de los meyores nomes del folk asturianu; y Melandru, formación de post-rock influyía pol shoegaze, dream pop y el folk. Les entraes anticipaes yá tán a la venta en musicasturiana.com a 12 € (10 € pa persones menores de 26 años).

Semando Folk Session
La tercer edición del festival incorpora una novedá: la Semando Folk Session, una oportunidá pa que toles músiques y músicos mozos que quieran, andechen pa interpretar a comuña los sos temes preferíos de la música tradicional y folk asturiana. La cita va ser el vienres 7 de febreru a les 22h en L’Esperteyu (Uviéu) y nella pueden participar los y les instrumentistes que tengan gana de tocar nesta jam session pionera. Hai un formulariu pa inscribise, anque nun ye obligatoriu rellenalu.

Amás, pa celebrar esti III Semando Fest, va una selmana Musicasturiana.com asoleyó la playlist Semando música moza n’astque complica cantares d’anguaño y d’antaño d’estilos estremaos cola característica de que quien los grabó nesi momentu fueron artistes xóvenes de la escena.

Equipu xoven
Amás de les y los componentes de los grupos, l’equipu del Semando Fest ta formáu por xente mozo: el diseñu y la identidá visual ye obra de la diseñadora Paula Suárez Surimi (Xixón, 1990); Nay Semeya (Llanes, 1999) va facer les semeyes y el videu del festival; Raúl Alonso (Xixón, 1999) y Yedra Riesgo (Pravia, 1997) d’Héroes Ensin Nome van volver a presentar la gala y desendolcar llabores de producción, esto último xunto a Claudia González (Lluanco, 1999). 

Xicu Ariza (Xixón, 1989), responsable d’Ixuxú Cultura y Musicasturiana.com, ye’l coordinador de tol proyectu per última vez, yá que al pasar nel 2025 de los 35 años d’edá va dexar la dirección del Semando Fest pa dar relevu nesta xera y asina caltener la coherencia cola filosofía del eventu. 

Distintes entidaes públiques y privaes vuelven a patrocinar esti eventu p’ayudar a la so viabilidá económica. Son la Fundación Caja Rural de Asturias, el Conseyu de la Mocedá del Principáu d’Asturies y el Conseyu de la Mocedá d’Uviéu.

DEJA UNA RESPUESTA

Por favor ingrese su comentario!
Por favor ingrese su nombre aquí

Compartir la noticia

Suscribirse

Popular

+ Noticias
Asturias

El Centro Niemeyer pone a la venta láminas y postales de las fotografías que Manel Esclusa donó a la Fundación

El Centro Niemeyer pone a la venta láminas en A4 y postales en A5 de las fotografías de la serie que lleva por título “Urbs de nit” (Ciudades de noche), que el artista catalán Manel Esclusa donó el año pasado a la Fundación Centro Cultural Internacional Oscar Niemeyer Principado de Asturias.

Cuatro personas afectadas por inhalación de humo en Blimea

Cuatro personas han resultado afectadas por inhalación de humo en un incendio declarado en el bajo de un edificio, de tres alturas, ubicado en la calle Puerto Pino, en Blimea, San Martín del Rey Aurelio.